قديم 06-18-2017, 07:14 AM   #1
 
تاريخ التسجيل: Mar 2015
الدولة: قرية ال الحسن غرب جبل اولياء
المشاركات: 104
Post عيال كاهل سلام

عيال كاهل سلام

شبعانه عزة نفوسنا يوم ما جاعت
و لى غير خالقها لا اتذللت لا طاعت
يوم دة النحاس البفرح للذئاب الجاعت
تلقانا نجز فى الرقاب وقلوبنا تب م لاعت

وكرمن فينا خلا اعدانا متحيرة وشاهدابو
والكاهلى ود العز موت الذله ما برضابو
طيبه نفوسنا مع الصليح زى طيبه اليادابو
الا بنلقى كيفنا فى اليوم الكتير حرابو

مالها حدود قبيلتى وخيرها اعم
وكلهم فى الحسبه بطلعو عيال عم
ان ضاقت عليك الدنيا لا تهتم
قول يا الله ثم الكاهلى امرك تم

التاريخ مسجل عزة قبيلتى وناسا
والبدوروهو بشيلوها حمرت عين مو حناسا
فى التاريخ قبيل بلدى تشهد جميع اجناسا
حمله الدفتردار جدنا فزارى كيفن داسا

فى الدنيا العبوث اهلى للغير بتنير
وكل الدنيا لعيال كاهل بالعلم بتشير
اهلى ان قامو لى امرا صعيب وعسير
بتحلل قبال اجوهو ولا يطير

اهلى عزاز فى المداين وكان ارياف
واهلى كفهم من حق الضعاف عياف
اهلى بدخلو العركه العاجه بالسياف
واهلى من طريق الحق ما فيهن الحياف

شعر علي الصديق الكاهلي
الطيب علي يوسف الكاهلي غير متواجد حالياً   رد مع اقتباس

قديم يوم أمس, 07:20 PM   #2
 
الصورة الرمزية احمد بن فؤاد القرشي
 
تاريخ التسجيل: Jul 2010
الدولة: بلاد بني كاهل
المشاركات: 2,294
افتراضي

حباب العز

تسلم ابن عمنا الشاعر الطيب
ويسلم الشاعر علي
__________________
سيذكرني قومي اذا جد جدهم ***
وفي الليلة الظلماء يفتقد البدر ***
احمد بن فؤاد القرشي غير متواجد حالياً   رد مع اقتباس
إضافة رد


أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 12:36 AM


Powered by vediovib4; Version 3.8.7
Copyright © 2017 vBulletin Solutions, Inc. All rights reserved. منتديات
vEhdaa 1.1 by NLP ©2009