قديم 07-23-2017, 10:39 PM   #1
 
الصورة الرمزية عبدالله الأمين
 
تاريخ التسجيل: Mar 2011
الدولة: حلفا الجديدة
المشاركات: 44
افتراضي جزء من مسدار البرق

مسدار البرق

عبدالله الشليبي:

-----------------(1)----------------
ستة ليالي دُرجْ أبن الرمـــوش إتلاقو
طاري الفرُّو شال منو السـحاب براقو
بعيد رد المسيرتو تهـوبي لاعن ساقو
ما بدانيهو غير قارحــاً ملادي طراقو
(2)
يا التدري العَمَت طرف الهسك بُزَّامَك
أرقد واعي بكـرة عـلي العديلة قيامك
علي الجابت التبيدي وستَّو ليكَ زمامك
أبرا الهوَّا سو رقشي الـرهاب بي أقدامك
(3)
ليلاً شلتو فوق كوعي وبعِد في نجومو
قطعاً شك دا حكمة ربي زايد يومو
علي ناراً كمـا الجـات الخلـيل من قومو
راجي العين تشوف وأهل المساجد يقومو
(4)
وجامع الحِلَّة وكتين انرفع آذانو
جِب رسنو وطلق قيدو ووشل قُطرانو
شديت سرجو نفَّضتو وكربتَ بطانو
علَّق فوقو جيم روسيا المبجَّل شانو
(4)
أبوك تركة صهايبا شايلة كأسات باجة
حبوبتك (عنود) ... خَيْرَة بنات الحاجة
علي بلد العليهو عيونا طـــوَّل لاجة
قوم ودينا يا البـرقْ اب سحابتاً قاجة
(5)
تب الجدُّو كأس فلــج المشـايخ شالو
عارف الخترة مما أنشدْ دفـق وشـَّالو
علي الشابلني رِمحو وسري ما بفشالو
قام من حينو سيد رايحة ولمح نشَّالو
(6)
من كُـتْ ود لبـون ضُلَّـك بيفارق دربك
يدري الفيـك دليــلاً بالفيافي سدربك
بلد سيد السمـاحة الديمة بيتباشربك
اطوي نقيبو رح يا تيس قنو البفخربك
(7)
مرح الأمو (عِنْ) عـايد ســلالة قديمة
قام من ميسو رصاصة وهرج حِس جيما
علي الدعجا السَّدَل فوق الرِّدِفْ هضليمة
قَبَضْ الفنقة دينكـاوي ومسيلو جريمة
(8)
فوق دومـاتو دافق التلوة تالي مشيِّط
بتاتو قيـافة مو نوع الصريمتو شريِّط
متيل أقدامو وكتين حِس جوالسو يعيِّط
إبرة (ترزي) لاحق العيد وقاعد يخيِّط
(9)
يا أب قنفة السِباق الريح مناك وهوايتك
أطرى الخبرة فوقك يا الرشيدة درايتك
ديار الكفو درست بي الحريرة فرايتك
بُعاد يا الليل تراهن يا المسيكر غايتك
(10)
قبيل جدَّك مصنَّف بي المحامِد أولى
حبوبتك عنود جابت النصُر لي الدولة
سُرعتاً منها الضوء سمَّا قال لاحولا
هيلك تركة آ ود الما أنختم في جولة
(11)
ويا (البرق) الضلام نعمن مقالد عينك
قِدَّامك كبيري أقطعبو والله يعينك
فوق ستة القناطِر خلهن لا يمينك
عقبان الورك قول ليه يا الحر وينك
(12)
عارقـية (السلــيم) الخاتــمة حِـلَّة رامة
جاها (البَرقْ) جوالسو تقول جرس غنَّامة
علي سِـت الحيــا الضامرة وتُقـــال أقدامة
ما بوصوهو عــارف سيـدو كاتلُــو هياما
(13)
ديــك العُقــدة والجبل المِراقد الوادي
لسَّـة الفنقـة يا الجَّـرَّاي بعيدة وغادي
علي النَّجفة الملانة سماح وذوق ومبادئ
سرجك قِدُّو نونا وصار جريك مو عادي
(14)
شرف الضِروة باليستي أب فلاشاً قفَّا
قصدو يواغل أم جيـداً بيخفي الشَفَّا
قطع السِكَّـة لـوَّش لي القلوبنا تلفَّا
سيل رويانة دافر جالو في محل لفَّة
(15)
تِعِيقْب أقدامو في المرحيب تقــول برَّاق
محل ما أنشدَّ فـوق السير بيصب حُرَّاق
وكتين مرة غير العادة يمش بي طراق
تشوفو يتلفت المسنوح تقول سرَّاق
(16)
تيس دوعمري يا الحار العقل في سوّك
اتقاعس شوية اطرشني يا الحر خوّك
دام مِسك الحضارمة آ التدري عطّر جوّك
ترانا وصلنا راشي العافية لا تتوّك
__________________
عبداللّه الشليبي
عبدالله الأمين غير متواجد حالياً   رد مع اقتباس

قديم 07-25-2017, 04:29 PM   #2
 
الصورة الرمزية احمد بن فؤاد القرشي
 
تاريخ التسجيل: Jul 2010
الدولة: بلاد بني كاهل
المشاركات: 2,304
افتراضي

ابششششر بي عزك يا الشليبي
ابشششر
__________________
سيذكرني قومي اذا جد جدهم ***
وفي الليلة الظلماء يفتقد البدر ***
احمد بن فؤاد القرشي متواجد حالياً   رد مع اقتباس

قديم 07-27-2017, 01:47 PM   #3
 
الصورة الرمزية ابو الهاشمي احمد
 
تاريخ التسجيل: Nov 2010
المشاركات: 2,500
افتراضي

لا فض فوك يالشليبي
__________________
سني على النِضال إيدي وَسوِكي
بِالهُتاف فمي شوارعِك لي دَويها
علي إذا مَا آخر العِلاج الكَي
مَرآويدك حُمُر ياامي
ابو الهاشمي احمد غير متواجد حالياً   رد مع اقتباس
إضافة رد


أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 01:21 PM


Powered by vediovib4; Version 3.8.7
Copyright © 2017 vBulletin Solutions, Inc. All rights reserved. منتديات
vEhdaa 1.1 by NLP ©2009