قديم 12-31-2016, 11:42 PM   #1
 
تاريخ التسجيل: Mar 2015
الدولة: قرية ال الحسن غرب جبل اولياء
المشاركات: 93
Post شعر للقروب

​شعر للقروب​
♨♨♨♨♨♨♨

​أهداف القروب لازم تكون مرعيـه​
​المشرف رئيسنا ونحن ليه رعيـه​
​نحوذ الطيبات ونسويها لينا سعيـه​
​والخلق الكريم والطيبه يبقو معيّـه​
👆👆👆👆👆

​إنتو أرحام حقيقه وكلكم أهليـه​
​وعايزين العلاقات تبقى واضحه جليـه​
​لازم كل زول فيكم يصفّى النيـه​
​وفي ركب الجماعه يجود ونفسه غنيـه​

💥💥💥💥💥💥

​مفروض أي زول عايز يرسل حاجه​
​يتفحصها زيين شان الذنوب دراجه​
​يا الكايس تهدم المِلّه تطفي سراجه​
​يوم الدين بتدخل نار لظا الوجاجه​

👍🏻👍🏻👍🏻👍🏻👍🏻

​عايزين ده القروب يصبح نموذج حـى​
​والود والتواصل ناخدو مانسيب شـى​
​أوعوا من المرخرخ والكلام النـي​
​انتو اسياد قيم موروثه لومكم بي​
👏👏👏👏👏

​دايرين كل زول للتاني يبسط إيدو​
​يفتح ليهو قلبو من المحبه يزيدو​
​ساعة الشده يصبح سندو يبقي رصيدو​
​وتاريخ الجدود خلونا نحن نعيدو​
✋✋✋✋✋

​مفروض اي زول عايز يرسل صوره​
​كان بت كان قرد لازم يعقد الشوره​
​اكتلو. الفتنه ماتخلوها تبني بذوره​
​نحن أخوان أكييد الشينه مابندوره​

💥💥💥💥

​إنتو أولاد إصول مافيكم أبداً هامل​
​عايزين كل زول ينزل بإسمه الكامل ؟؟؟؟​
​يبقو أهل القروب للبر وفاهم شامل​
​وكل الناس تواصلك وليك تسوق وتجامل​
🌾🌾🌾🌾🌾

​مهما أقول كلام في حقكم مابيكفي​
​إنتو شباب كرام أروع كتير من وصفي​
​عايزين تبرزولنا شعر جدودنا المخفى​
​ولازم كل زول يحفظ قرابته ويوفي​

🌺🌺🌺🌺🌺


​مفروض أي زول عايز يرسل جمله​
​إنظر ليها. من كل جيها زي العمله​
​اصلو الكلمه كان فكيته ما مندمله​
​بتوديك محل مااااافيهو إلاّ الرمله​

❓❓❓❓❓

​أسال وإجتهد وأعرف صلاتك وصونه​
​وأنفض للغبار من الزمان مركونه​
​ربنا بسألك والدنيا غير مضمونه​
​أنشط في الرحم خليها ليك معونه​
👇👇👇👇👇

​مفروض أي زول عايز يرسل صوت​
​اطرا الآخرة والحق نفسو قبل يفوت​
​مااتقولي ده ودالنصري ولاّ الحوت​
​وحياة ربي بكره تموت وتشبع موت​


🌳🌳🌳🌳🌳
​ربنا اجمعنا بالخير و احفظ كل اعضاء القروب​
منقول من موقع آخر للحبايب الطيبين امثالكم
الطيب علي يوسف الكاهلي غير متواجد حالياً   رد مع اقتباس
إضافة رد


أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 07:01 PM


Powered by vediovib4; Version 3.8.7
Copyright © 2017 vBulletin Solutions, Inc. All rights reserved. منتديات
vEhdaa 1.1 by NLP ©2009