قديم 02-06-2015, 11:55 PM   #1
 
تاريخ التسجيل: Aug 2011
الدولة: دولة قطر
المشاركات: 671
افتراضي ابو المعز

كانت عايزة تعبر عن حبها لزوجها، وتعيد شعلة الحب القديم مرة
تانية ،بعد أن اصابها الخفوت .. بسبب العيال وقفة الخدار ، أها شافت
في التلفزيون الحركة بتاعة الورد الطبيعي المجفف المعطر ، البشرو في
السراير متل شر أماتنا لي قعور الويكة فوق رأس المزيرة ^_^، فقامت
رسلت بنية أختها القاعدة معها وبتقرأ في الجامعة، جابتو ليها و طبعا
الشيء غالي ،وبالشي ء الفﻼني حسب وصفها ، وقالت كدا فرشت
لزوجها سريرو من عصرا بدري، وهو أصلو بجي بعد المغرب ، وأرسمي
ليك قلب بالورد فوق السرير، وخلت بتها البتقرأ في الصف الخامس تكتب
ليها الحرف اﻷول من إسمها (أسم اﻷم ) وإسم أبوها باﻷنجليزي في نص
القلب، وبعداك شتت في المخدة وريدات ، وبقت تحاحي في الشفع ،
عشان مايخربو ليها ، لمن الراجل جاء ،وقال كدا دخل في عراقيهو، وحدر
طاقيتو ودقر سفتو ، ومشى يجرجر في كريعهو علي السرير، فتران
وروحو مارقة ، من مساككت الحافﻼت في موقف جاكسون ^_^وزهجان
وقافلة معاهو من سخانة الجو وسخانة السوق ،داير يأخد ليهو
رقدة ،لحدي ما تجيب الغداء ، وهي قالت كدا لبتت ورا حيطة النص عشان
تشوف رد فعلو ، وطبعا نور الحوش منور ، الراجل وصل السرير
ودنقر فوقو ، عاين قوووي وقال كدا كورروك ليها :
- يا ( علوووووية ،
هي ردت عليهو بصوت خفيض وخجﻼن ومكسي دﻻل وفرحة :
- هووووووي (ابو المعز ) ،
قاليها بلهجة مؤنبة وهو صاري وشو ، وقد إتناول المخدة بيدو اليمين و
بقي ينفض في السرير :
- دحين كم مرة قلت ليك آعلوية ، الشفع ديل اليختو سريري دا ، ما
يملوه لي وسخ وعواليق ، كم مرة قلت ليك الحديث دا ، أصلك مابتفهمي
إنت ، أسع يديل الجايبلهم ( كاويق يابس ) ومشتتنو لي في السرير .
..
تخريمة ..
أسع بالذمة كدا إن وفرت قريشاتا وجابت ليها فرخة نجضتااا وحمرتااا
سمح ، وﻻ كيلو حق لحمة ضان شوتو ،وأدتو (أبو المعز ) ما كان شافت
ضرسو ، الورا بدل اﻻحباط والمهزلة
* هامش : الكاويق هو الشىء الناشف او الجاف كان صفق شجر او
قصب
او قشور ؟
بت كاهل غير متواجد حالياً   رد مع اقتباس

قديم 07-18-2016, 02:53 AM   #2
 
تاريخ التسجيل: Mar 2015
الدولة: قرية ال الحسن غرب جبل اولياء
المشاركات: 112
افتراضي

رائعه بت كاهل
الطيب علي يوسف الكاهلي غير متواجد حالياً   رد مع اقتباس
إضافة رد


أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 01:22 PM


Powered by vediovib4; Version 3.8.7
Copyright © 2017 vBulletin Solutions, Inc. All rights reserved. منتديات
vEhdaa 1.1 by NLP ©2009