قديم 11-22-2017, 11:22 PM   #1
 
تاريخ التسجيل: Mar 2015
الدولة: قرية ال الحسن غرب جبل اولياء
المشاركات: 112
Post مدح الكواهلة

اندِل يا النحاس سمِّع نداك الماهلة
راجع يا زمن لي الناس فِعالنا الزاهلة
زغردي يا المتوجة فوق ندادتك عاهلة
وابشري بالرجال يا السمحة نحن كواهلة

حاضر الدنيا والماضي التليد وأمجادو
نحن حروف كتابو ونحن يانا أسيادو
في يوم الشوامة ال العراك مشهادو
بالتكسر ضراعنا إن قالو خايبين عادو

نحن الفوق وطاة العزة رااكز ساسنا
نحن الما انحسب بي الكم عدد فراسنا
نحن العندنا الاتنين دي تاج فوق رأسنا
كرم الضيف وجيب سيف النصر لنحاسنا

نحن الجودنا فيهو أحتار جموع الحي
ونحن الكل حد من ناسنا حاتم طي
نحن اليوم منادي الشين يقولنا سي
نوري الدنيا كيف يا العازة خلف الكي

عِز الخوة والفعل البيرضّي رفيقنا
فوقو نشينا والكلمة التلوم بتعيقنا
نحن الضلنا إن كان يوم وقف في طريقنا
نقطعو من حدانا ونرمي برا فريقنا
الطيب علي يوسف الكاهلي غير متواجد حالياً   رد مع اقتباس
إضافة رد


أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 03:09 PM


Powered by vediovib4; Version 3.8.7
Copyright © 2017 vBulletin Solutions, Inc. All rights reserved. منتديات
vEhdaa 1.1 by NLP ©2009